ဆိၣ်ဂ့ၤယၤလၢနမံၤ

Verse 1

တၢ်ဘျုးယ့ၣ်ၡူး လၢနအဲၣ်ယၤ
နပှ့ၤက့ၤယၤလၢနသွံၣ်စီဆှံ
ယတၢ်ဒဲးဘး လၢအိၣ်ဒီးယၤ
ခဲလၢာ်လီၤမၢ်လၢနမံၤစီဆှံ

Verse 2

နဟ့ၣ်လီၤယၤ တၢ်စိကမီၤ
လၢယကမၤနၢၤတၢ်အၢတၢ်သီ
သးစီဆှံဧၢ မၤပှဲၤယသး
ဒုးစံးကတိၤယၤတၢ်ဘၣ်နသး

Chorus

အိးထီၣ်ယမဲာ် ဒုးထံၣ်ယၤနတၢ်အဲၣ်
အိးထီၣ်ယသး ဒုးထံၣ်ယၤတၢ်လီၤလး
တၢ်ဆူးတၢ်ဆါလီၤမၢ် ဖဲယဃ့ထုကဖၣ်
သူယၤ,ဘှီယၤ ယမ့ၢ်နတၢ်

အိးထီၣ်ယနၢ် ကတိၤကသွံဒီးယၤ
ဒုးသးဝံၣ်ယၤ ဒ်မူခိၣ်ဖိလၢထး
ဟ့ၣ်လီၤယၤသးစီဆှံ ဆိၣ်ဂ့ၤယၤလၢနမံၤ
ယ့ၣ်ၡူး ယအဲၣ်နၤလၢာ်ယသး