သ့ၣ်နီၣ်မၤစၢၤနကီၢ်ကညီ

Chorus
တုၤလၢအယံၤမ့ၢ်ယကလုာ်
ယတံၤသကိးလၢလဲၤလၢညါ
ကွၢ်တရံးက့ၤနပှၤကလုာ်အိၣ်ဘၣ်ဒ်လဲၣ်
နမ့ၢ်နၢ်ဟူနဘၣ်သ့ၣ်ညါ
မံခ့တဂ့ၤပာ်ဖှိၣ်ထီၣ်စု
ဘၣ်မၤစၢၤက့ၤပထံပကီၢ်ပကလုာ်ဂီၢ်

Verse 1
တုၤလၢကီၢ်ချၢအနံၣ်ယံၤအါ
သ့ၣ်နီၣ်ကီၢ်လံၤ
တသးပ့ၤနီၣ်ယအိၣ်ဖျဲၣ်လီၢ်
အဲၣ်ဒိၣ်မးယကညီကီၢ်
တူၢ်ဘၣ်တၢ်ကီဆီၣ်တံၢ်မၤနၢၤ
ဟူးဘၣ်အါမံၤသးကညီၤဒိၣ်
ပပှၤကလုာ်တၢ်သဘျ့ဂီၢ်ယဘၣ်မၤစၢၤ

Verse 2
ဆိကမိၣ်ကွၢ်နဖံးနညၣ်
အိၣ်ဘၣ်ကီခဲအီၣ်ဘၣ်ကီခဲ
တၢ်ဖှီၣ်တၢ်နးတူၢ်ဘၣ်အါမံၤ
ဘၣ်တ့ၢ်သ့ဧါ
တူၢ်ဘၣ်တၢ်ကီဆီၣ်တံၢ်မၤနၢၤ
တူၢ်ဘၣ်အါမံၤသးကညီၤဒိၣ်
ပပှၤကလုာ်တၢ်သဘျ့ဂီၢ်ယဘၣ်မၤစၢၤ