လါဖိတဲန့ၢ်ယၤ

Chorus
အိလါဖိဧၢမ့ၢ်သ့ဝံသးစူၤဒီးတဲန့ၢ်ယၤ
ကလံၤဆှံဖိဧၢမ့ၢ်သ့ဝံသးစူၤဒီးဆှၢန့ၢ်ယၤ
ယဂ့ၢ်ကျိၤ

Verse 1
ကလံၤဆှံဖိဟဲကဖီကဖီလါကပီၤ
တၢ်ခဲလၢာ်အိၣ်ဘှ့ၣ်ဘှီၣ်ဝဲဖဲဖးဖီမုၢ်
ကွၢ်ထီၣ်ဆူမူဆၣ်သ့ၣ်တဖၣ်
မၤသယုၢ်ဘၣ်ယသး

Verse 2
ဖဲမုၢ်နၤတၢ်ဘှ့ၣ်ဘှီၣ်ထိၣ်ဆၣ်ဖိပှ့ၤထီၣ်မုာ်မး
ထဲတဂၤဆိမိၣ်က့ၤတၢ်လၢလဲၤပူၤကွံာ်
ကွၢ်ထီၣ်ဆူမူဆၣ်သ့ၣ်တနီၤတဖျိတဖျါ
လၢလီၢ်ယံၤမၤသယုၢ်ဝဲယၤ

Pre-Chorus
အိ..သ့ၣ်နီၣ်က့ၤပှၤအိၣ်တဂၤလၢယသးပူၤ
ဆၢထံၣ်က့ၤအီၤဘၣ်မၤဒ်လဲၣ်
ယူာ်ထီၣ်က့ၤစုစ့ၣ်စုထွဲယကိးအမံၤ
မ့ၢ်နၢ်ဟူကသ့ဧါ

Chorus
အိၣ်ယံာ်ထီၣ်သယုၢ်လီၤလါဖိဧၢတဲန့ၢ်ယၤ
အိလါဖိဧၢမ့ၢ်သ့ဝံသးစူၤဒီးတဲန့ၢ်ယၤ
ကလံၤဆှံဖိဧၢမ့ၢ်သ့ဝံသးစူၤဒီးဆှၢန့ၢ်ယၤ
ယဂ့ၢ်ကျိၤဆူပှၤလၢယအဲၣ်